Աջակցություն Երևանում Harley-Davidson-ից ոգեշնչված առաջին հայկական մոտոփառատոնի՝Apricot Rally-ի կազմակերպմանը

Ծրագրի մասին

2024 թվականի հունիսին Ամարյան բարեգործական հիմնադրամը դարձավ  Harley-Davidson-ից ոգեշնչված առաջին հայկական մոտոփառատոնի՝ «Apricot Rally»-ի գլխավոր հովանավորը։

Աշխարհահռչակ Harley-Davidson մոտոցիկլետներ վարողների խմբի (Harley Owners Group) հայկական ճյուղի՝ Mount Ararat Chapter-ի կողմից հյուրընկալվող միջոցառումը Երևանում համախմբեց շուրջ 50 Harley-Davidson լեգենդար մոտոցիկլետներ և 100-ից ավել հյուր: Աշխարհում տարածված մոտոփառատոնների այս ֆորմատի հայկական տարբերակի կազմակերպումը հնարավորություն տվեց ոչ միայն տոնել այս լեգենդար մոտոցիկլետների բրենդը և դրա մշակույթը, այլ նաև ցուցադրել Հայաստանի ջերմ հյուրընկալությունն ու յուրահատուկ մշակութային ժառանգությունը՝ խթանոլով մոտոցիկլետային զբոսաշրջությունը և դիրքավորելով Հայաստանը որպես միջազգային միջոցառումների անցկացման վայր:

Ամարյան բարեգործական հիմնադրամի աջակցությունը Apricot Rally-ին նպաստեց միջոցառման հաջող կազմակերպմանը, որն էլ իր հերթին ներկայացրեց Հայաստանի յուրահատուկ գրավչությունը մոտոցիկլետների սիրահարների միջազգային համայնքին: